ئىسىرائىلىيە تۇتۇش بۇيرۇقىغا قارشى ئەرز سۇندى

ئىسىرائىلىيە خەلقئارا جىنايى ئىشلار سوت مەھكىمىسىنىڭ باش مىنىستىر نېتاياھۇ ۋە سابىق دۆلەت مۇداپىئە مىنىستىرى گاللانت ئۈستىدىن «غەززەدە ئۆتكۈزۈلگەن ئۇرۇش جىنايەتلىرى ۋە ئىنسانىيەتكە قارشى جىنايەتلەر» سەۋەبىدىن چىقارغان تۇتۇش بۇيرۇقىغا قارشى ئەرز سۇندى.

2214714
ئىسىرائىلىيە تۇتۇش بۇيرۇقىغا قارشى ئەرز سۇندى

ئىسىرائىلىيە باش مىنىستىرلىق ئىشخانىسى بايانات ئېلان قىلىپ، تېل ئاۋىۋنىڭ خەلقئارا جىنايى ئىشلار سوت مەھكىمىسىنىڭ نېتانياھۇ ۋە گاللانت ئۈستىدىن چىقارغان تۇتۇش بۇيرۇقىنىڭ قانۇنىيلىقى ۋە سوت مەھكىمىسىنىڭ ھوقۇقىنى رەت قىلىدىغانلىقىنى بىلدۈردى.

باياناتتا ئەسكەرتىلىشىچە، ئىسىرائىلىيە تۈنۈگۈن (27-نويابىر) خەلقئارا جىنايى ئىشلار سوت مەھكىمىسى قارارلىرىنىڭ ئىجرا قىلىنىشى كېچىكتۈرۈشنى تەەپ قىلغاندىن باشقا، بۇ قارارغا قارشى ئەرز سۇنغان.

باياناتتا، خەلقئارا جىنايى ئىشلار سوت مەھكىمىسى ئەرزنى رەت قىلغان ئەھۋالدا، بۇنىڭ سوت مەھكىمىسىنىڭ «ئىسىرائىلىيەگە قارشى بىر تەرەپلىمە قارشىنىڭ بارلىقى» نى كۆرسىتىدىغانلىقى ئىلگىرى سۈرۈلدى.

خەلقئارا جىنايى ئىشلار سوت مەھكىمىسى 21-نويابىر (2024) ھۆكۈم ئېلان قىلىپ، «غەززەدە ئۆتكۈزۈلگەن ئۇرۇش جىنايەتلىرى ۋە ئىنسانىيەتكە قارشى جىنايەتلەر» سەۋەبىدىن، ئىسىرائىلىيە باش مىنىستىرى نېتانياھۇ ۋە سابىق دۆلەت مۇداپىئە مىنىستىرى گاللانت ئۈستىدىن تۇتۇش بۇيرۇقى چىقارغان ئىدى.

نېتانياھۇ بىلەن گاللانتنىڭ ياۋروپا ئىتتىپاقىغا ئەزا بارلىق دۆلەتلەر، ئۇنىڭدىن باشقا، ياپونىيە، كانادا، مېكسىكا، ئاۋستىرالىيە، يېڭى زېلاندىيە، ئەنگلىيە، ئوتتۇرا ۋە جەنۇبىي ئامېرىكا دۆلەتلىرى، ئافرىقادىكى كۆپىنچە دۆلەتلەرنى ئۆز ئىچىگە ئالغان خەلقئارا جىنايى ئىشلار سوت مەھكىمىسىگە ئەزا 124 دۆلەتكە بارالمايدىغانلىقى قەيت قىلىنماقتا.



مۇناسىۋەتلىك خەۋەرلەر