گوللاندىيە پارلامېنتى تۇتۇش بۇيرۇقىنى ئىجرا قىلىش قانۇن لايىھەسىنى قوبۇل قىلدى

گوللاندىيە پارلامېنتى تاشقى ئىشلار مىنىستىرلىقىنىڭ 2025-يىللىق خامچوتى مۇزاكىرە قىلىنىۋاتقان جەرياندا، ئۆكتىچى پارتىيەلەرنىڭ پارلامېنت ئەزالىرى سۇنغان ئىسىرائىلىيە باش مىنىستىرى نېتانياھۇ ۋە سابىق دۆلەت مۇداپىئە مىنىستىرى گاللانت ئۈستىدىن چىقىرىلغان تۇتۇش بۇيرۇقىنى ئىجرا قىلىش توغرىسىدىكى قانۇن تەكلىپ لايىھەسى، ئاۋاز كۆپلۈكى بىلەن قوبۇل قىلىندى.

قانۇن تەكلىپ لايىھەسىدە، ھۆكۈمەتتىن خەلقئارا جىنايى ئىشلار سوت مەھكىمىسىگە ئەزا بولغان دۆلەتلەرنىڭ قارارنى ئىجرا قىلىشى ئۈچۈن تىرىشچانلىق كۆرسىتىش؛ گوللاندىيەنىڭمۇ مەزكۇر قارارنى ئىجرا قىلىشى ۋە نېتانياھۇ بىلەن مۇھىم بولمىغان بارلىق ئالاقىلەرنى دەرھال توختىتىش تەلەپ قىلىندى.

گوللاندىيە پارلامېنتى قوبۇل قىلغان يەنە بىر قانۇن تەكلىپ لايىھەسىدە بولسا، غەربىي قىرغاقنىڭ شىمالىدىكى ئاھالىلەر رايونلىرى كېڭىشىنىڭ باشلىقى يوسسى داگانغا قارشى يۈرگۈزۈلگەن ياۋروپا ئىتتىپاقى ئېمبارگولىرىنى قوللاش تەلەپ قىلىندى.

يوسسى داگان گوللاندىيەدىكى ئاشقۇن ئوڭچى رەھبەر گېرت ۋىلدېرسنى دېكابىردا غەربىي قىرغاقتا قانۇنسىز تەسىس قىلىنغان يەھۇدىي ئاھالىلەر رايونىنىڭ بىرىدە ئۆتكۈزۈشى پىلانلانغان پىروگراممىغا تەكلىپ قىلغان ئىدى.

خەلقئارا جىنايى ئىشلار سوت مەھكىمىسى 21-دېكابىر «غەززەدە ئۆتكۈزۈلگەن ئۇرۇش جىنايەتلىرى ۋە ئىنسانىيەتكە قارشى جىنايەتلەر» سەۋەبىدىن، نېتانياھۇ بىلەن گاللانت ئۈستىدىن تۇتۇش بۇيرۇقى چىقارغان ئىدى.