ghezzede israiliyening qetliamlirida ölgen pelestinliklerning sani 43 ming 736 ge yetti
israiliye armiyesining 2023-yili 7-öktebirdin bashlap ghezze rayonida dawamlashturuwatqan qetliamlirida qaza qilghan pelestinliklerning sani yéqinqi 24 saet ichide 24 adem köpiyip, 43 ming 736 ge yetti.
türkiye awazi radiyosi xewiri: ghezzediki pelestin sehiye ministirliqi teripidin élan qilinghan bayanatta, israiliyening uda 405 kündin buyan ghezze rayonida dawamlashturuwatqan qetliamliri heqqide melumat bérildi.
bayanatta, israiliye armiyesining yéqinqi 24 saet ichide ghezzening oxshimighan rayonlirida yürgüzgen 3 qétimliq qetliamliri dawamida yene 24 pelestinlikning hayatidin ayrilghanliqi, 112 pelestinlikning yarilanghanliqi bayan qilindi.
shuning bilen, israiliyening 2023 - yili 7-öktebirdin bashlap ghezze rayonida dawamlashturuwatqan qetliamlirida qaza qilghan pelestinlikler sanining 43 ming 736 ge, yarilanghan pelestinlikler sanining 103 ming 370 ke yetkenliki eskertildi.
bayanatta yene, xarabiliklerning astida we yol boyliridimu ölüklerning barliqi, emma israiliye eskerlirining tosalghu bolushi sewebidin dawalash etretliri bilen xelq mudapie xadimlirining jesetlerni alalmaywatqanliqi tekitlendi.
مۇناسىۋەتلىك خەۋەرلەر
rusiyege tewe tebiiy gaz süpisi qirim déngiz qirghiqida hujumgha uchridi
ukraina armiyesige tewe tizgineklik déngiz asti kémisi tebiiy gaz süpisigha kamikazé hujumi qildi.
