kolombiyede «döletlik apet haliti» élan qilindi
kolombiye pirézidénti gustawo pétro dölet boyiche qattiq yamghur keltürüp chiqarghan kelkün we tagh gömürülüp chüshüsh weqeliri sewebidin «döletlik apet haliti» élan qilghanliqini jakarlidi.
türkiye awazi radiyosi xewiri: kolombiye pirézidénti gustawo pétro paytext bogotadiki döletlik birleshme qomandanliq merkizide alaqidar orunlarning mesulliri bilen körüshti we kelkündin ziyangha uchrighan aililerge téximu téz yardem yetküzüsh meqsitide döletlik apet haliti élan qilghanliqini bildürdi.
pétro kilimat özgirishi keltürüp chiqarghan mesililer bilen küresh qiliwatqanliqlirini we dölet boyiche nurghun rayonlarning kelkünlerdin éghir derijide ziyangha uchrighanliqini éytti.
döletlik xiyim – xeterlerni bir terep qilish idarisi (UNGRD) teripidin élan qilinghan bayanatta, qattiq yamghurdin 46 ming ailining ziyangha uchrighanliqi, la guaxira, xuila, choko, norté dé santandér we kawka rayonlirida jiddiy halet élan qilinghanliqi bildürüldi.
pirézidént pétroning bayanatigha asaslanghanda, döletlik xiyim – xeterlerni bir terep qilish idarisi kelkündin eng köp ziyangha uchrighan sheherlerge yardem qilish meqsitide, ikki kolléktip meblegh fondi (FIC) arqiliq 2.5 milyard kolombiye pésosi (570,000 amérika dolliri) ajritidiken.
مۇناسىۋەتلىك خەۋەرلەر
girétsiye süriyeliklerning panahlinish iltimasigha jawab bérishni tonglatti
girétsiye süriyelik musapirlarning panahliq tilesh iltimaslirigha jawab bérishni tonglatti
