yaponiyening mina tazilash paraxotida ot apiti yüz berdi
yaponiyening jenubiy gherbidiki déngiz armiyesige tewe mina tazilash paraxotida ot apiti yüz bérip, paraxot xadimliridin bir kishi yoqap ketti we yene bir kishi yarilandi.
türkiye awazi radiyosi xewiri: dölet téléwiziyesi <NHK> ning xewirige asaslanghanda, yaponiye déngiz armiyesi özini qoghdash qismi (MSDF) mesulliri, fukuoka wilayitige qarashliq munakata shehiri déngizida, déngiz armiyesige tewe «ukushima» namliq mina tazilash paraxotida ot apiti yüz bergenlikini bildürgen.
mesullar ot apitide paraxot xadimliridin bir kishining yarilanghanliqini we yene bir kishining yoqalghanliqini éytqan.
mesullar ot apiti yüz bergen waqitta bu ikki kishining mashina bölümide barliqini, doxturxanigha yetküzülgen yaridarning ehwalining yaxshi ikenlikini uqturdi.
mesullar izdesh-qutquzush xizmetlirining dawamlishiwatqanliqini we ot apitining sewebini éniqlash üchün tekshürüsh bashlanghanliqini bildürdi.
mina tazilash paraxotida 45 etrapida kishi bolup, bir herbiy meshiq dairiside kagoshima wilayitidiki bir portqa kétiwatqanliqi melum.
paraxotning ot apiti sewebidin yolgha chiqalmighanliqi we paraxot xadimliriningmu tarqaqlashturulghanliqi bildürüldi.
