sudanda qorshaw astidiki el-hilaliyye shehiride qaza qilghanlarning sani 315 ke yetti

türkiye awazi radiyosi xewiri: paaliyetchilerdin terkib tapqan «otturining chaqiriqi» namliq ammiwi teshkilatning bayanatida, el-hilaliyye shehirining 17 kündin béri téz yardem küchliri (HDK) ning qorshawida ikenliki bildürüldi.

bayanatta, ölüm weqelirining zeherlik ozuq-tülük we pakiz bolmighan su istémal qilish netijiside yüz bergenliki bildürüldi hemde sheherde ölgenler sanining 315 ke yetkenliki qeyt qilinip, qurbanlarning isimliri élan qilindi.

téz yardem küchliri   20- öktebirdin 26 – öktebirgiche bolghan ariliqta jeziradiki yézilargha hujum qilghan idi.

birleshken döletler teshkilatining insaniy ishlar maslashturush idarisi (OCHA), 28-öktebirde, jezira wilayitide «küchiyiwatqan qoralliq zorawanliq dolqunining» netijiside 46 ming kishining yurt - makanliridin ayrilghanliqini élan qilghan idi.

türkiye, misir, seudi erebistan we qatar qatarliq nurghun döletler, jezira wilayitide yüz bergen qanunsizliqlarni eyibligen idi.