nétanyahu chaqirghu we simsiz téléfon partlitish hujumining jawabkarliqini üstige aldi

türkiye awazi radiyosi xewiri: isirailiye 12-qanilining xewiride, heptilik kabént yighinida nétanyahuning 17-18-séntebir künliri liwanda simsiz téléfon we chaqirghularni partlitish hujumining jawabkarliqini üstige alghanliqi ilgiri sürüldi.

xewerde bildürülishiche, bash ministir wezipisidin qaldurulghan dölet mudapie ministiri gallantni ishare qilip tenqidlep: «liwandiki simsiz téléfon we chaqirghularni partlitish herikiti, nasrallah suyiqesti, xewpsizlik kabéntidiki yuqiri derijilik mesullar bilen ularning qol astidiki siyasiy organlarning qarshiliqigha qarimay emelge ashuruldi» dégen.

nétanyahu yene, amérikaning yéngi pirézidénti bolup saylanghan donald tramp bilen yéqinqi bir qanche kün ichide üch qétim muhim söhbetlerni ötküzgenlikini éytip: «barliq terepliri bilen iran tehditi we bu peyda qilghan xirislar toghrisida oxshash pikirge igimiz» dégen.

liwanda 17-séntebir küni hizbullah ezaliri ishlitidighan chaqirghular oxshash waqitta partlighan idi. partlashta, 12 kishi ölüp, 2 ming 323 kishi yarilanghan idi. 18-séntebir küni bolsa, nurghun simsiz téléfonlar partlighan we 25 kishi ölüp, 608 din artuq kishi yarilanghan idi.

liwan dairiliri bu hujumlargha isirailiyening jawabkar ikenlikini élan qilip, buninggha chüshenche bérishni telep qilghan idi.