نىگېرىيەدە يېڭى پەيدا بولغان بىر تېررورلۇق تەشكىلاتى 15 كىشىنى ئۆلتۈردى
نىگېرىيەنىڭ كېببى ۋىلايىتىدە يۈز بەرگەن تېررورلۇق ھۇجۇمىدا 15 كىشى قازا قىلدى.
2208862
تۈركىيە ئاۋازى رادىيوسى خەۋىرى: دۆلەتلىك ئاخبارات ۋاسىتىلىرىنىڭ خەۋەر قىلىشىچە، رايوندا يېڭى پەيدا بولغان تېررورلۇق تەشكىلاتى لاكۇراۋا، كېببى ۋىلايىتىگە قاراشلىق ئاۋگىيە رايونىغا قوراللىق ھۇجۇم قىلغان. ھۇجۇمدا 15 كىشى قازا قىلىپ، نۇرغۇن كىشى يارىلانغان.
نىگېرىيە مۇداپىئە مىنىستىرلىقى ئاخبارات مەسئۇلى ئېدۋارد بۇبا، دۆلەتنىڭ شىمالىدا يېڭى بىر تېررورلۇق تەشكىلاتنىڭ پەيدا بولغانلىقىنى بىلدۈرگەن ئىدى.
نىگېرىيە ئۇزۇن يىللاردىن بېرى دۆلەتنىڭ ھەر قايسى رايونلىرىدا قوراللىق توپىلاڭچىلارنىڭ شۇنداقلا تېررورلۇق تەشكىلاتلىرىدىن بوكو ھارام ۋە <ISWAP> نىڭ ھۇجۇملىرىغا دۇچ كەلمەكتە.
