مېكسىكادىكى قوراللىق ھۇجۇمدا 10 كىشى ئۆلۈپ، ئاز دېگەندە 7 كىشى يارىلاندى
مېكسىكانىڭ سانتىياگو دې كېرېتارو شەھىرىدە قوراللىق ھۇجۇمچىلارنىڭ بىر قاۋاقخانىنى ئوققا تۇتۇشى نەتىجىسىدە 10 كىشى ئۆلۈپ، ئاز دېگەندە 7 كىشى يارىلاندى.
2208708
تۈركىيە ئاۋازى رادىيوسى خەۋىرى: مېكسىكانىڭ مەركىزىدىكى كېرېتارو ئۆلكىسىنىڭ پايتەختى سانتىياگو دې كېرېتارودا بىر قاۋاقخانىنىڭ يېنىغا ئاپتوموبىل بىلەن كەلگەن ھۇجۇمچىلار، ئىچىگە كىرىپ ئوق ئاچتى. ھۇجۇمدا 10 كىشى ئۆلۈپ، 7 كىشى يارىلاندى.
كېرېتارو بىخەتەرلىك ئىدارىسىنىڭ باشلىقى خۇئان لۇئىس فېررۇسكا باياناتىدا: «جىددىي ياردەم گۇرۇپپىسى ۋەقە يۈز بەرگەن يەرگە يېتىپ كەلدى ۋە ئۇزۇن نولۇق قورال كۆتۈرگەن كەم دېگەندە تۆت كىشىنىڭ بىر ئاپتوموبىلدا قاچقانلىقىنى جەزملەشتۈردى» دېدى.
خۇئان لۇئىس فېررۇسكا بىر گۇمانلىق كىشىنىڭ قولغا ئېلىنغانلىقىنى، ھۇجۇمدا ئىشلىتىلگەن ئاپتوموبىلنىڭ تاشلىۋېتىلگەن ۋە ئوت قويۇۋېتىلگەن ھالەتتە تېپىلغانلىقىنى ئېيتتى.
