donald tramp rusiye pirézidénti wladimir putin bilen körüshti
amérikaning 47-nöwetlik pirézidénti bolup saylanghan donald tramp rusiye pirézidénti wladimir putin bilen téléfonda körüshti we rusiye-ukraina urushidiki jiddiychilikni peseytishke chaqiriq qildi.
türkiye awazi radiyosi xewiri: «washington pochtisi», amérikaning 47-nöwetlik pirézidéntliqigha saylanghan sabiq pirézidént donald tramp bilen rusiye pirézidénti putinning téléfonda körüshkenliki toghrisida xewer élan qildi.
gézitining söhbet heqqide melumati bolghan menbelerni asas qilghan xewiride, ikki rehberning saylamdin kéyin 7-noyabirda téléfonda körüshkenliki qeyt qilindi.
xewerde bildürülishiche, tramp putingha «washingtonning yawropada muhim herbiy mewjutluqi» barliqini éytip, rusiye-ukraina urushidiki jiddiychilikni peseytishke chaqirghan.
ukraina hökümitige téléfon söhbiti heqqide melumat bérilgen.
putin 7-noyabirda trampni tebrikligen we uning bilen söhbetlishishke teyyar ikenlikini bildürgen idi.
tramp saylam seperwerlik paaliyetliri jeryanida rusiye-ukraina urushini «derhal» axirlashturalaydighanliqini otturigha qoyghan idi.
