ispaniyediki kelkün apitidin kéyin bulang-talang weqeliri köpiyip ketti
ispaniyening sherqiy qismidiki walénsiya rayonida 29-öktebirde yüz bergen kelkün apitidin kéyin bulang-talang weqeliri sewebidin qolgha élinghanlarning sani 253 ke yetti.
türkiye awazi radiyosi xewiri: walénsiya rayonida hazir bir tereptin izdesh-qutquzush, yene bir tereptin kocha-koylar we öy-imaretlerdiki patqaqlarni tazilash xizmetliri dawamlishiwatqan bolsimu, emma rayondiki bixeterlik mesilisi téxiche hel bolmidi.
ichki ishlar ministirliqining doklatigha qarighanda, «apet rayoni» élan qilinghan walénsiya rayonida bulang-talang weqeliri sewebidin 253 kishi qolgha élinghan bolup, ularning 52 si kéyinki 24 saet ichide tutulghan, bulardin 100 din köpreki türmige qamalghan, qalghanliri nezerbend astigha élinghan.
kelkün apiti sewebidin peqet walénsiya rayonidila hayatidin ayrilghanlarning sani 215 ke yetken bolup, bularning 208 i jeset tekshürüshidin, 167 si kimlik tekshürüshidin ötküzülgen.
kastilya-la mancha we endelus qatarliq rayonlarni öz ichige alghan pütkül dölet miqyasida kelkün apitide hayatidin ayrilghanlarning sani 223 ke yetken, 78 kishi yoqap ketken.
