ئابباس: ئادىل تىنچلىق ئورنىتىش ئۈچۈن ترامپ بىلەن ھەمكارلىشىشقا تەييارمىز

تۈركىيە ئاۋازى رادىيوسى خەۋىرى: پەلەستىننىڭ رەسمىي خەۋەر ئاگېنتلىقى (ۋافا) نىڭ خەۋىرىگە قارىغاندا، پەلەستىن دۆلەت رەئىسى مەھمۇد ئابباس دونالد ترامپ بىلەن تېلېفوندا كۆرۈشكەن.

ئابباس تېلېفون سۆھبىتىدە، ئادىل ۋە ئومۇميۈزلۈك تىنچلىق ئورنىتىش ئۈچۈن ترامپ بىلەن ھەمكارلىشىشقا تەييار ئىكەنلىكىنى تەكىتلىگەن.

ترامپ بولسا ئۇرۇشنى توختىتىش ئۈچۈن كۈچ چىقىرىدىغانلىقىنى، رايوندا تىنچلىق ئورنىتىش ئۈچۈن ئابباستىن باشقا يەنە رايونلۇق ۋە خەلقئارالىق تەرەپلەر بىلەنمۇ ھەمكارلىشىشقا تەييار ئىكەنلىكىنى ئىپادىلىگەن.