«türkiye – girétsiye munasiwetliride muqimliqni saqlap qélish her ikki terepke paydiliq»
girétsiye bash ministiri kériyakos michotakis türkiye – girétsiye munasiwetliride muqimliqni saqlap qélishning her ikki dölet xelqige paydiliq bolidighanliqini bildürdi.
türkiye awazi radiyosi xewiri: girétsiye bash ministiri kériyakos michotakis yawropa ittipaqining nöwetchi reisi wéngiriyening paytexti budapéshtta ötküzülgen yawropa ittipaqi gheyriy resmiy yighinidin kéyin ötküzgen axbarat élan qilish yighinida, türkiye – girétsiye munasiwetlirige dair soallargha jawab berdi.
michotakis wéngiriyening paytexti budapéshtta türkiye jumhuriyiti jumhur reisi rejep tayyip erdoghan bilen ötküzgen gheyriy resmiy söhbiti üstide toxtilip, ikki dölet munasiwetlirini «normallashturush» nishanining asasiy orunda turushi kéreklikini tekitlidi.
u, girétsiyening paytexti atinada türkiye tashqi ishlar ministiri xaqan fidan bilen girétsiye tashqi ishlar ministiri yorgos gérapértritis otturisida élip bérilghan söhbetning ijabiy keypiyatta ötkenlikini, emma asasiy mesililerde yenila ortaq tonush hasil qilinalmighanliqini bayan qilip mundaq dédi:
«türkiye – girétsiye munasiwetliride muqimliqni saqlap qélish her ikki dölet xelqige paydiliq bolidu.»
