nétanyahu amérikagha yéngi bash elchi teyinlidi
israiliye bash ministiri bényamin nétanyahu ishghaliyet astidiki gherbiy qirghaqta pelestinliklerning zéminlirida ilgiri «sheher bashliqi» bolghan yéchiél léytérni israiliyening washington bash elchilikige teyinlidi.
türkiye awazi radiyosi xewiri: israiliye bash ministirliq mehkimisi axbarat wastiliri ishxanisining yazma bayanatida körsitilishiche, nétanyahu léytérni israiliyening yéngi washington bash elchisi süpitide wezipige teyinligen.
bayanatta tekitlinishiche, léytér amérika qoshma ishtatlirida tughulghan bolup, uning oghli moshé yédidya léytér 2023-yili 10-noyabirda ghezze rayonining shimalidiki toqunushlarda ölgen.
léytérning washingtondiki wezipisi donald tramp wezipige olturghandin kéyin bashlinidiken.
«Jerusalem Post» gézitining xewirige qarighanda, léytér ilgiri gherbiy qirghaqning elxelil rayonida pelestinliklerdin tartiwélinghan zéminlarda sheher bashliqi bolghan.
u yene, israiliyelikler gherbiy qirghaqta bésiwalghan pelestin zéminlirida paaliyet élip baridighan «yésha kéngishi» (Yesha Council) dégen teshkilattimu wezipe ötigen.
«Jewish Inseder» tor bétining xewer qilishiche, léytér hazirmu bésiwélinghan pelestin zéminlirida yashimaqta iken.
