jenubiy koréye shimaliy koréyening bashqurulidighan bomba siniqigha jawaben herbiy manéwir ötküzdi
jenubiy koréye shimaliy koréyening bashqurulidighan bomba siniqigha qarshi ötküzülgen manéwir dairiside sériq déngiz yönilishige quruqluqtin quruqluqqa qoyup bérilidighan balistik bashqurulidighan bomba atti.
2208191
türkiye awazi radiyosi xewiri: yonxap xewer agéntliqi, jenubiy koréye armiyesi bash ishtabining shimaliy koréyening yéqinqi bashqurulidighan bomba sinaqlirigha qarshi uyushturulghan manéwir toghrisida bayanat élan qilghanliqini xewer qildi.
xewerde körsitilishiche, bayanatta «xyunmo-2» quruqluqtin quruqluqqa qoyup bérilidighan balistik bashqurulidighan bombilar ishlitilgen manéwir sériq déngizda, paytext séulning 108 kilométir gherbiy jenubidiki taen rayoni sirtida ötküzülgen.
shimaliy koréyening herbiy paaliyetlirining yéqindin közitilidighanliqigha isharet qilinghan bayanatta, jenubiy koréye armiyesining shimalning qutritishlirigha «ézip tashlighuchi üstünlük bilen» jawab bérishke teyyar ikenliki tekitlengen.
bayanatta yene: «bu manéwir arqiliq armiyemiz shimaliy koréyening herqandaq qutritishigha jawab qayturush iradisining qetiylikini namayan qildi» dégen ibarilerge orun bérilgen.
jenubiy koréye shimaliy koréyening 5-noyabirda yapon déngizigha (sherqiy déngiz) qarap bir qanche qisqa musapilik balistik bashqurulidighan bomba atqanliqini bildürgenidi.
shimaliy koréye 31-öktebirde yapon déngizigha bügüngiche atqan bashqurulidighan bombilar ichide «eng uzun uchush waqti»gha ige dep qaralghan «yéngi tiptiki xwasong-19» tipliq qiteler ara balistik bashqurulidighan bomba (ICBM) atqanidi.
