ghezzediki kishilerning hemmisi ölüp kétishi mumkin
ghezze rayonining shimalida yashaydighanlarning hemmisining késellik, acharchiliq we zorawanliqtin ölüp kétish xewpining yuqiri ikenliki bildürüldi.
türkiye awazi radiyosi xewiri: birleshken döletler teshkilati bayanatchisining yardemchisi stéfani trémblay, kündilik muxbirlarni kütüwélish yighinida, ghezze rayonining nöwettiki weziyiti heqqide toxtaldi.
trémblay israiliyening ghezze rayonining shimalini qorshiwélishidin kéyin texminen bir ay ilgiri birleshken döletler teshkilatining peqet birla qétim tébbiy matériyallirining ötüshige ruxset qilinghanliqini tekitlep mundaq dédi:
«israiliyening hujumliri pelestinliklerning eng asasliq turmush éhtiyajlirini qamdishigha tosalghu boluwatidu.
insaniy yardem xadimlirimu wezipisini orunliyalmaywatidu.
israiliye armiyesi insanperwerlik yardem xadimlirining kishiler bilen alaqe qilishigha tosqunluq qiliwatidu. shunga, ghezzening shimalidiki kishilerning hemmisining késellik, acharchiliq we zorawanliqtin sewebidin ölüp kétish xewpi yuqiri.
israiliyening bombardimanliri dawamlishiwatqanliqi üchün pelestinliklerni qoghdash mumkin bolmaywatidu, rayonda yurt-makanliridin ayrilip qalghan 14 ming kishi panahlinish orunlirida yashimaqta.»
