زېلېنىسكىي دونالد ترامپ بىلەن تېلېفونلاشتى

تۈركىيە ئاۋازى رادىيوسى خەۋىرى: ۋلادىمىر زېلېنسكىي ئىجتىمائىي تاراتقۇ سۇپىسى «X» تىكى ئادرېسىدا دونالد ترامپ بىلەن تېلېفون سۆھبىتى ئۆتكۈزگەنلىكى توغرىسىدا ئۇچۇر ھەمبەھرىلىدى.

ئۇچۇرىدا ئامېرىكا قوشما ئىشتاتلىرىنىڭ 47-پىرېزىدېنتى بولۇپ سايلانغان ترامپنى تەبرىكلىگەنلىكىنى بىلدۈرگەن زېلېنسكىي: «ئۇنىڭ زور تەشۋىقات پائالىيىتى بۇ نەتىجىنى رېئاللىقق ئايلاندۇردى. مەن ئۇنىڭ ئائىلىسى ۋە گۇرۇپپىسىنىڭ ئالاھىدە تىرىشچانلىقىغا يۇقىرى باھا بەردىم» دېگەن ئىبارىلەرگە ئورۇن بەردى.

ئىككى دۆلەت ئارىسىدىكى يېقىن دىيالوگنى داۋاملاشتۇرۇش ۋە ھەمكارلىقنى ئىلگىرى سۈرۈش توغرىسىدا بىردەكلىك ھاسىل قىلغانلىقللىرىنى بىلدۈرگەن زېلېنسكىي، «ئامېرىكانىڭ كۈچلۈك ۋە تەۋرەنمەس يېتەكچىلىكىنىڭ دۇنيا ۋە ئادىل تىنچلىق ئۈچۈن ھاياتىي ئەھمىيەتكە ئىگە ئىكەنلىكى»نى تەكىتلىدى.