pakistanda yüz bergen térrorluq hujumida nurghun adem öldi
pakistanda yüz bergen ayrim - ayrim ikki qétimliq térrorluq hujumida 4 saqchi bilen 2 bala hayatidin ayrildi, 5 saqchi yarilandi.
2207858
türkiye awazi radiyosi xewiri: pakistan saqchi dairilirining bildürüshiche, tünügün jenubiy weziristan rayonida dölet xewpsizlik küchliri olturghan bir aptomobil ötüp kétiwatqanda yol chétige orunlaturup qoyulghan bomba partlighan.
partlashta 4 saqchi jénidin ayrilghan, 5 saqchi yarilanghan.
hujumning jawabkarliqini téxi héchkim üstige almighan bolsimu, emma yéqinqi mezgillerde pakistan talibanlirining bu rayonda hujumlirini kücheytkenliki melum.
shuning bilen bir waqitta, pakistan taliban teshkilati xeyber paxtunxwa ölkisidiki tirah wadisi yéqinigha atqan top oqi yol boyigha chüshken.
hujum yüz bergen waqitta piyade méngip mektepke kétiwatqan ikki oqughuchi hayatidin ayrilghan.
