kanada xitayning <TikTok>  munbirini «bixeterlik xewpi» sewebidin cheklidi

türkiye awazi radiyosi xewiri: kanada yéngiliq, pen we sanaet ministiri fransois-filippé champagné xitay merkezlik ijtimaiy taratqu munbiri <TikTok> ning cheklinishi heqqide bayanat élan qildi.

ministir champagné <TikTok> détalining kanada üchün bixeterlik xewpi barliqini tilgha élip, «<TikTok> ning kanadadiki soda paaliyetlirining cheklengenlikini» jakarlidi hemde munberning toronto we wankowérdiki ishxanilirining taqilidighanliqini élan qildi.

kanada puqralirining détalni ishlitishni dawamlashturalaydighanliqini éytqan champagné: «puqralar özlirining tor bixeterlikige diqqet qilishi we ijtimaiy taratqu détallirini ishlitishte mumkin bolghan xewplerni yaxshi analiz qilishi muhim» dédi.

kanada bixeterlik istixbarat idarisi (CSIS) bashliqi dawid wignéolt <TikTok> ning «xitay hökümiti üchün uchur toplaydighan qanal» ikenlikini éytqan we puqralarni bu ijtimaiy torni ishletmeslik heqqide alahide agahlandurghan idi.