kamala harris saylamdiki meghlubiyiti heqqide söz qildi

türkiye awazi radiyosi xewiri: kamala harris paytext washingtondiki xoward uniwérsitéti meydanida qollighuchilirigha nutuq sözlidi.

saylamda meghlup bolghanliqini resmiy qobul qilghan kamala harris nutqida: «bu saylamning netijilirini qobul qilishimiz kérek. saylanghan pirézidént donald tramp bilen sözliship, ghelibisi üchün uni tebriklidim. shundaqla uninggha we guruppisigha bu hoquq ötküzüsh jeryanining tinch halda emelge éshishi jehette yardem béridighanliqimizni éyttim» dédi.

harris trampqa emes, amérika asasiy qanunigha sadiq ikenlikini tekitlep, qollighuchilirigha: «men bu saylamda meghlup bolghanliqimni qobul qilimen, emma bu saylam seperwerlikini yalqunlatqan kürishimizdin waz kechmeymen» dédi.

donla tramp 2025-yili 20-yanwarda qesem bérip, amérika prézidénti süpitide resmiy wezipisini bashlaydu.