jenubiy koréye «méta»gha éghir jerimane qoydi

türkiye awazi radiyosi xewiri: jenubiy koréye shexsiy uchurlarni qoghdash komitéti bayanat élan qilip, métaning jenubiy koréyediki 980 ming féysbuk ishletküchisining muhim shexsiy uchurlirini toplap, ishletküchilerning ruxsitisizla élan bergüchiler bilen ortaqlashqanliqini uqturdi.

bayanatta körsitilishiche, toplanghan uchurlar ishletküchilerning siyasiy qarashliri, diniy étiqadi qatarliq muhim uchurlarnimu öz ichige alidiken.

méta bu uchurlarni texminen 4 ming élan bergüchi bilen ortaqliship, ishletküchilerni biwasite obyékit qilghan élanlarning ewetilishini keltürüp chiqarghan bolup, buning ishletküchilerning mexpiyetlikini ochuq-ashkara depsende qilish bolidighanliqi qeyt qilinghan.