گۇتېررېس ترامپنىڭ سايلام غەلىبىسىنى تەبرىكلىدى

تۈركىيە ئاۋازى رادىيوسى خەۋىرى: ئانتونىيو گۇتېرېس ئامېرىكانىڭ يېڭى سايلانغان پىرېزىدېنتى دونالد ترامپنى تەبرىكلەش ئۈچۈن يازما بايانات ئېلان قىلدى.

ب د ت نىڭ ئامېرىكادا يېڭى قۇرۇلىدىغان ھۆكۈمەت بىلەن دۇنيا دۇچ كەلگەن چوڭ سىناقلارغا تاقابىل تۇرۇش ئۈچۈن بەرپاچى شەكىلدە ئىشلەشكە تەييار ئىكەنلىكىنى قەيت قىلغان گۇتېرېس، ترامپنى تەبرىكلىدى ۋە سۆزىنى داۋاملاشتۇرۇپ: «ئامېرىكا بىلەن ب د ت ئوتتۇرىسىدىكى مۇناسىۋەت خەلقئارالىق مۇناسىۋەتلەرنىڭ ئاساسلىق تۈۋرۈكلىرىدىن بىرى» دېدى.