israiliyening  béyrutqa qilghan hawa hujumida 20 kishi hayatidin ayrildi

türkiye awazi radiyosi xewiri: israiliye liwangha bir künde 78 qétim hawa hujumi qildi.

israiliye béyrutning jenubidiki barja yézisida binalarni bombardiman qildi.

hujumda bir binaning pütünley örülüp chüshishi netijiside 20 kishi hayatidin ayrildi.

israiliye seyda, sur we bint jubeyl sheherlirigimu bomba yaghdurdi.

hizbullah bolsa israiliye qoshunlirigha taqabil turushni dawamlashturmaqta.

toqunushlar netijiside, israiliye küchlirining bezi nuqtilardin chékinishke mejbur bolghanliqi bildürülmekte.

xelqara qizil kirist jemiyiti we qizil ay jemiyetliri fédératsiyesi israiliyening hujumi astidiki liwan üchün jiddiy yardem paaliyiti bashlatti.

hujumning ziyankeshlikige uchrighan texminen 600 ming kishige jiddiy we uzun muddetlik yardem qilishni meqset qilghanliqi bildürüldi.