israiliye eskerliri pelestinliklerni qetli qilishni dawamlashturmaqta
israiliye qisimliri etigendila ishghaliyet astidiki jennin shehiri we u yerdiki panahlanghuchilar lagérigha topa ittirish mashinisi bilen bésip kirdi.
türkiye awazi radiyosi xewiri: shahitlardin igilengen melumatlargha asaslanghanda, israiliye qisimliri jéningha qilghan hujumi jeryanida sheher we panahlanghuchilar lagéri etrapigha nurghun mergenlerni orunlashturghan.
israiliye eskerliri sheherning nurghun jaylirida topa ittirish mashinisi bilen ul eslihe we yollarni weyran qilghan hemde buninggha qarshi turghan pelestinliklerge qaritip oq chiqarghan.
israiliye eskerliri tünügün ishghaliyet astidiki gherbiy qirghaqning shimaligha jaylashqan kabatiye baziri we tubas shehirige qilghan hujumda 8 pelestinlikni öltürdi.
israiliye eskerliri we pelestinliklerning zéminlirini tartiwéip barghan zorawan israiliyeliklerning 2023-yili 7-öktebirdin buyan gherbiy qirghaq we sherqiy quddusqa qilghan hujumlirida 167 kichik balini qoshqanda, jemiy 775 pelestinlik hayatidin ayrildi.
