tramp: tarix yazduq, ghelibe qilduq

türkiye awazi radiyosi xewiri: amérika xelqi 5-noyabir (2024) 47-nöwetlik pirézidénti saylash üchün awaz tashlidi.

amérikada ötküzülgen pirézidéntliq saylimining biresmiy netijiliri élan qilinghandin kéyin, jumhuriyetchilerning namzati sabiq pirézidént donald tramp ghelibe nutuqi sözlidi.

 u floridada sözligen nutuqida, saylam netijisining «tarixiy we siyasiy ghelibe» ikenlikini bildürüp: «tarix yazduq, ghelibe qilduq» dédi.

u mundaq dédi:

«tarix yazduq. 47-nöwetlik pirézidéntinglarni saylighininglar üchün rehmet éytimen. her küni siler üchün küresh qilimen. amérikaning altun dewri bolidu, bu amérika üchün chong ghelibe.»

amérika pirézidéntini 538 wekildin teshkil tapidighan «saylighuchilar kéngishi» belgileydighan bolup, namzatning aqsaraygha kirishi üchün 270 wekilge érishishi kérek.

biresmiy netijilerge asaslanghanda, donald tramp 267 wekilge, démokratlarning namzati xarris 224 wekilge érishken. saylighuchilar kéngishi 17-dékabir (2024) kimning resmiy utqanliqini élan qilidu. kéngesh palatasi 6-yanwar (2025) ghelibe qilghan namzatni testiqlaydu. 20-yanwar amérikaning yéngi pirézidénti kongrede qesem béridu we aqsarayda pirézidént jo baydindin wezipe tapshuruwalidu.

jumhuriyetchiler amérika kongresining ikki qaniti bolghan 435 kishilik awam palatasi we 100 kishilik kéngesh palatasida köp orungha ige bolghan.