donald tramp saylamda yuqiri awazgha érishti

türkiye awazi radiyosi xewiri: amérika xelqi yéngi pirézidéntni belgilesh üchün awaz tashlidi. gheyriy resmiy netijilerge qarighanda, 50 ishtatning 27 side ghelibe qilghan trampning wekil sani267   ge chiqti. 16 ishtat we washington rayonida ghelibe qilghan xarris 210 wekilni qolgha keltürdi.

pirézidéntliq üchün, namzatlarning biri kem dégende 270 wekil sanigha yétishi kérek.

eng yéngi melumatlargha qarighanda, tramp %51.1 awazgha érishken, kamala xarris %47.3 awazgha érishken.

tramp gherbiy wirjiniye, ténnéssi, jenubiy karolina, oklaxoma, missisipi, kéntaki, indiyana, florida, alabama, arkanzas, luisyana, shimaliy dakota, wayoming, nébraska, jenubiy dakota, oxayo, téksas, missuri, yuta, montana, kanzas, ayowa , idaxo, shimaliy karolina, wiskansin we pénsilwaniye qatarliq 27 ishtatta ghelibe qildi.

xarris ghelibe qilghan (16+1) ishtat töwendikiche:  wérmont, konnéktikat, massachuséts, marilend, rod arili, yéngi jérsiy , délawar, illinoyis , niyu york, kolorado, kaliforniye, orégon, washington, yéngi méksika, wirjiniye, haway ishtatliri we washington d. s rayoni.

amérika pirézidéntliq saylimida ghelibe qilghuchini belgilesh üchün, saylighuchilar biwasite pirézidént namzatigha emes, belki ashu namzatning partiyesini qollaydighan wekillerge awaz béridu.

yene bir tereptin, échilghan awaz sanduqliridiki netijilerge qarighanda, jumhuriyetchiler partiyesi kéngesh palatasida köp sanliqqa érishken bolup, 51 orunduqni qolgha keltürdi. démokratlar 42 orunni qolgha keltürdi. 435 kishilik awam palatasida bolsa, jumhuriyetchiler 179 orunni qolgha keltürdi. démokratlar bolsa, 148 orunda qaldi. awam palatasida köp sanliqqa érishish üchün 218 orunn qolgha keltürüsh kérek.

amérika saylam tüzümi boyiche, jemiy 538 saylighuchi wekil bar bolup, namzatning biri bu sanning 270 ige ige bolghanda pirézidéntliqqa saylinidu.