israiliyening ghezze hujumlirida qaza qilghan pelestinlikler sani 43 ming 391 ge yetti

türkiye awazi radiyosi xewiri: ghezzediki pelestin sehiye ministirliqi israiliyening yéqinqi 24 saettiki üch qétimliq hujumida17 pelestinlikning hayatidin ayrilghanliqini, 86 pelestinlikning yarilanghanliqini uqturdi.

bayanatta körsitilishiche, israiliyening ghezzege qaratqan hujumlirida qaza qilghan pelestinlikler sani 43 ming 391 ge, yarilanghanlar sani 102 ming 347 ge yetken.

dunya sehiye teshkilatining pelestindiki wekili rik répérkon ghezzedin balilarni öz ichige alghan 100 bimarning tarqaqlashturulidighanliqini, ularning bir bölükining ereb birleshme xelipilikige, yene bir bölükining ruméniyege ewetilidighanliqini bildürdi.

ghezzediki puqrawi qoghdinish teshkilati israiliye yardemlerning kirishige ruxset qilmighachqa, ghezzening shimalining acharchiliq xewpige duch kelgenlikini bildürdi.

bayanatta, israiliye eskerlirining ghezzening shimalidiki ahalige bésim ishlitish meqsitide 14 kündin buyan tébbiy we bashqa yardem eshyalirining rayongha kirishige tosqunluq qiliwatqanliqi qeyt qilindi.