amérika iranning israiliyening hujumlirigha ‹inkas qayturmasliqi› kéreklikini bildürdi

türkiye awazi radiyosi xewiri: péntagon bayanatchisi général-mayor pat raydér muxbirlarni kütüwélish yighinida iran bilen israiliye otturisidiki keskinlishiwatqan jiddiychilik toghrisida bayanat berdi.

u iranning intiqam hujumi qozghaydighan - qozghimaydighanliqini mölcherliyelmeydighanliqini bildürüp: «amérika hökümiti bolush süpitimiz bilen, iranning israiliyening hujumlirigha inkas qayturmasliqi kérekliki toghrisidiki pozitsiyemiz nahayiti éniq. eger iran inkas qayturushni tallisa, biz elwette israiliyeni we israiliye mudapiesini qollaymiz» dédi.

amérikaning aldimizdiki aylarda ottura sherqqe qoshumche herbiy küch orunlashturidighanliqini  bildürgen raydér, B-52 tipliq bombardimanchi ayropilanlirining rayongha ewetilgenlikini jezmleshtürdi.

pat raydér qoshumche herbiy qisimlarning amérikaning rayondiki küchlirini qoghdash we israiliyeni mudapie qilish meqsitide orunlashturulidighanliqini bildürüp: «biz israiliyening mudapiesini qollashqa teyyarmiz we iranning herqandaq qayturma hujumi qilmasliqini ümid qilimiz» dédi.

péntagon 13-öktebirdiki yazma bayanatidimu iran tehditige qarshi israiliyege THAAD bataréye sistémisi we uni ishlitidighan 100 etrapida herbiy xadimning ewetilidighanliqini jakarlighanidi.