dunyaning nurghun jaylirida israiliyening wehshiylikige qarshi namayish ötküzüldi
wénézuéla döletlik parlaménti reisi (AN) jorgé rodrigéz, israiliyening ghezzege qilghan hujumlirini eyibligenlikini we pelestin bilen hemkarlishidighanliqini bildürdi.
türkiye awazi radiyosi xewiri: rodrigéz paytext karakastiki parlamént merkizide ötküzülgen «fashizmgha qarshi dunya parlamént munbiri yighini» ning échilish murasimida söz qilip, israiliyege naraziliq bildürdi.
rodrigéz pelestin bilen hemkarlishidighanliqini tekitlep: «bombardiman qilinghan her bir doxturxana, weyran qilinghan her bir uniwérsitét we mektep amérika herbiy sanaitining urush sodigerliri üchün qilghan ijraatlirini körsitip béridu. irqiy qirghinchi (israiliye bash ministiri binyamin) nétanyahu teripidin ewetilgenler qanxor bolghinidek, u bombilarni, ayropilanlarni we bashqurulidighan bombilarni ewetkenlermu oxshashla qanxorlardur» dédi.
gollandiyedimu ghezze we gherbiy qirghaqta dawamlishiwatqan israiliyening wehshiylikige qarshi namayish ötküzüldi.
xilwérsum shehiride bir yerge toplanghan pelestinni qollighuchilar, israiliye hujumlirida hayatidin ayrilghan kichik balilarni xatirilidi.
namayishta israiliyening hujumlirida hayatidin ayrilghan pelestinlik muxbirlarning süretliri we isimlirimu körgezme qilindi.
firansiyening paytexti parizhdimu pelestin terepdari paaliyetchiler firansiye putbol fédératsiyesi binasida naraziliq namayishi ötküzdi.
binagha kirgen namayishchilar, 14-noyabirda «frans stadiyesi»de ötküzülüshi pilanlanghan fransiye-israiliye musabiqisining békar qilinishini telep qilip shuarlar towlidi we olturuwélish namayishi ötküzdi.
مۇناسىۋەتلىك خەۋەرلەر
girétsiye süriyeliklerning panahlinish iltimasigha jawab bérishni tonglatti
girétsiye süriyelik musapirlarning panahliq tilesh iltimaslirigha jawab bérishni tonglatti
