blinkén gallant we abdullati bilen téléfonlashti

türkiye awazi radiyosi xewiri: amérika qoshma ishtatliri tashqi ishlar ministirliqi blinkénning israiliye dölet mudapie ministiri yoaw gallant we misir tashqi ishlar ministiri bedr abdullati bilen ayrim - ayrim halda téléfonda körüshkenliki toghrisida bayanat élan qildi.

bayanatta tekitlinishiche, blinkén gallant bilen élip barghan téléfon söhbitide, irandin we iran qollawatqan guruppilardin kélidighan tehditlerge qarshi «amérikaning herdaim israiliyening bixeterlikini qoghdaydighanliqini» tekrarlighan.

blinkén ghezzediki barliq puqralargha bérilidighan insaniy yardemlerni köp miqdarda köpeytish üchün israiliyeni téximu köp tedbir qollinishqa chaqirghan, hemde ghezzediki urushning axirlashturulushi we barliq tutqunlarning öy - makanlirigha qaytishigha kapaletlik qilish, toqunushtin kéyinki ghezzede pelestinliklerni qayta orunlashturushqa munasiwetlik yol xeritisi sizip chiqishning muhimliqini tekitligen.

terepler yene liwandiki liwanliq we  israiliyelik puqralarning öy - makanlirigha bixeter qaytishini ishqa ashuridighan diplomatik hel qilish charisi tépish tirishchanliqliri toghriliqmu muzakire élip barghan.

blinkén misir tashqi ishlar ministiri bedr abdullati bilen élip barghan téléfon söhbitide, ghezzidiki urushning axirlashturulushi we insaniy yardemlerning köpeytilishining muhimliqini tekitligen, shundaqla ghezzede toqunushtin kéyinki basquch üchün bixeterlik we qayta qurushqa kapaletlik qilidighan yol xeritisi sizip chiqishning muhimliqini eskertken.

ikki ministir liwandiki kök liniyening her ikki teripidiki puqralarning öy - makanlirigha qaytishini ishqa ashuridighan diplomatik hel qilish charisige munasiwetlik tirishchanliqlar toghriliqmu muzakire élip barghan.

blinkén yene liwanliq rehberlerning bu dölettiki «pirézidéntliq ornining quruq turush» mesilisining jiddiy muhakime qilinishi kéreklikinimu sözlirige ilawe qilghan.