ئىسرائىلىيەنىڭ لىۋانغا قىلىۋاتقان ھۇجۇملىرىدا ئۆلتۈرۈلگەنلەرنىڭ سانى كۈنسېرى ئاشماقتا

تۈركىيە ئاۋازى رادىيوسى خەۋىرى: لىۋان سەھىيە مىنىستىرلىقىنىڭ يازما باياناتىدا، ئىسرائىلىيە كۈچلىرىنىڭ1- ئۆكتەبىر (2024) دىن بۇيان لىۋانغا ئۈزلۈكسىز ھاۋا ھۇجۇمى قىلىۋاتقانلىقى بىلدۈرۈلدى.

باياناتتا، ئىسرائىلىيەنىڭ بۈگۈن (4-نويابىر) كى ھۇجۇملىرىدا 18 كىشى قازا قىلىپ، 83 كىشىنىڭ يارىلانغانلىقى، شۇنداقلا ئىسرائىلىيە قىسىملىرىنىڭ لىۋانغا قاراتقان ھۇجۇملىرى نەتىجىسىدە 2 - نويابىر شەنبە كۈنىگىچە قازا قىلغانلار سانىنىڭ 2 مىڭ 986 گە، يارىلانغانلار سانىنىڭ 13 مىڭ 402 گە يەتكەنلىكى ئۇقتۇرۇلدى.

لىۋاننىڭ جەنۇبىي قىسىملىرىدىن پايتەخت بېيرۇتقا ۋە شىمالغا كۆچۈش دولقۇنى داۋاملاشماقتا.

لىۋان ھۆكۈمىتى يۇرت - ماكانلىرىدىن ئايرىلىپ قالغانلاردىن 539 مىڭدىن ئارتۇق كىشىنىڭ سۈرىيەگە كۆچكەنلىكىنى ئېلان قىلدى.