israiliyelik zorawan éqindilar pelestinliklerning 20 aptomobiligha ot qoyup berdi
pelestinliklerning zéminini tartiwalghan zorawan israiliyelikler ishghaliyet astidiki gherbiy qirghaqning el-bire shehiride 20 aptomobilgha ot qoyup berdi.
türkiye awazi radiyosi xewiri: ramallahqa yéqin el-bire shehirining sanaet rayonigha seherdila bésip kirgen bir top israiliyelikler, pelestinliklerning 20 aptomobiligha ot qoyup berdi.
israiliyelik zorawan guruppa yene, ot öchürüsh doklatini tapshuruwalghandin kéyin, rayongha barghan qutquzush aptomobili we xelq mudapie etritigimu oq chiqardi.
2023-yili 10-ayning 7-küni israiliye ghezze rayonigha hujum bashlighandin buyan ishghaliyet astidiki gherbiy qirghaq we sherqiy quddustiki pelestinliklerge qaritilghan hujumlar köpeydi.
pelestin azadliq teshkilati bilen bölgünchi sépilgha we qanunsiz yehudiy olturaq rayonlirigha qarshi küresh qilish kéngishi ishghaliyet astidiki gherbiy qirghaqta israiliye armiyesi bilen pelestin zéminini tartiwalghan zorawan israiliyeliklerning öktebirde pelestinliklerge 1490 qétim hujum qilghanliqini élan qildi.
ishghaliyet astidiki gherbiy qirghaqta 451 ming we sherqiy quddusta texminen 230 ming israiliyelik basqunchilar pelestinliklerning zéminini tartiwalghan bolup, xelqaraliq qanunlargha asaslanghanda, gherbiy qirghaq we sherqiy quddustiki bu bulangchiliq qanunsiz hésablinidu.
bu jaylarda qanunsiz olturaqlashqan israiliyelikler, gherbiy qirghaqta ishghaliyet astida yashawatqan pelestinliklerning turmushini téximu qiyinlashturmaqta.
مۇناسىۋەتلىك خەۋەرلەر
rusiyege tewe tebiiy gaz süpisi qirim déngiz qirghiqida hujumgha uchridi
ukraina armiyesige tewe tizgineklik déngiz asti kémisi tebiiy gaz süpisigha kamikazé hujumi qildi.
