malayshiya bash ministiri: israiliye b d t din qoghlap chiqirilishi kérek

türkiye awazi radiyosi xewiri: malayshiya bash ministiri enwer ibrahim birleshken döletler teshkilati (b d t) omumiy kéngishige sunush üchün, israiliye pelestin mesiliside xelqara qanunni depsende qilishni dawamlashturghan teqdirde, b d t din qoghlap chiqirilishi toghrisida qarar layihesi teyyarlighanliqini jakarlidi.

bash ministir enwer parlaméntqa (déwan rakyat) mezkur qarar layihesi heqqide chüshenche berdi؛ bash ministir enwer ibrahim malayshiyaning israiliyening b d t organlirining paaliyiti we mewjutluqigha ruxset qilish mejburiyiti barliqi toghrisidiki xelqara adalet sotidin pikir birishi telep qilinghan qarar layihesini teyyarlighan «özek guruppa»gha qatnashqanliqini bildürüp, bu layihening b d t omumiy kéngishide qobul qilinishi bilen b d t pelestinlik qachqunlargha yardem bérish we qurulush agéntliqining ghezze, gherbiy qirghaq, iyordaniye, liwan we süriyediki pelestinliklerge yardem qilishni dawamlashturushigha yol échilidighanliqini eskertti.

enwer ibrahim qarar layihesi heqqidiki söhbetlerning dawamlishiwatqanliqini we yéqinda b d t omumiy kéngishige sunulidighanliqini bildürüp, layihede pelestin mesiliside xelqara qanunni depsende qilishni dawamlashturghan teqdirde israiliyeni b d t din qoghlap chiqirilishining tewsiye qilinghanliqini qeyt qildi.