hizbullah israiliyening 4 herbiy bazisigha hujum qildi
hizbullah israiliyening shimalidiki 4 herbiy bazigha we pelestinliklerdin tartiwélinghan yerlerning üstige qurulghan 14 olturaq rayongha hujum qilghanliqini, hujumda israiliye eskerliridin ölgen we yarilanghanlarning barliqini élan qildi.
türkiye awazi radiyosi xewiri: hizbullahning télégram adrésida élan qilinghan bayanatta, israiliyening shimaligha qilinghan hujumlar heqqide melumat bérildi.
bayanatta, israiliyening shimalidiki 4 herbiy bazisigha hujum qilinghanliqi we bu dairide israiliye hawa armiyesige qarashliq téxniklar terbiyelinidighan hayfa téxnika bazisining tunji qétim bombardiman qilinghanliqi uqturuldi.
hizbullah hayfa shehirining jenubidiki shimaliy rayon qomandanliqigha qarashliq élyakin bazisigha uchqusiz ayropilanlar bilen hujum qilinghanliqini we del nishangha zerbe bergenliklirini bildürdi.
nétanya shehirining sherqige jaylashqan merkiziy rayon qomandanliqigha qarashliq béyt lid herbiy bazisi we hayfa yéqinidiki zéwulun herbiy bazisighimu bashqurulidighan bombilar bilen zerbe bérilgenliki qeyt qilindi.
bayanatta yene, pelestinliklerdin tartiwélinghan yerler üstige qurulghan 14 olturaq rayon we etrapidiki herbiy nuqtilarghimu hujum qilinghanliqi, bu hujumlarda israiliye eskerliridin ölgen we yarilanghanlarning barliqi eskertildi.
