ھىندىستاندىكى ئاپتوبۇس ۋەقەسىدە 23 كىشى قازا قىلدى
ھىندىستاننىڭ ئۇتتاراخاند ئۆلكىسىدە بىر ئاپتوبۇسنىڭ جىلغىغا چۈشۈپ كېتىشى نەتىجىسىدە، دەسلەپكى ئېنىقلاشلارغا قارىغاندا 23 كىشى جېنىدىن ئايرىلغان.
2206227
تۈركىيە ئاۋازى رادىيوسى خەۋىرى: «ھىندىستان ۋاقتى گېزىتى» نىڭ خەۋىرىگە ئاساسلانغاندا، گارخۋالدىن كۇمائون رايونىغا قاراپ ماڭغان ئاپتوبۇس قىيالىقتىن 200 مېتىر چوڭقۇرلۇقتىكى جىلغىغا چۈشۈپ كەتكەن.
ئالاقىدار تارماقلار دەسلەپكى ئېنىقلاشلارغا قارىغاندا، 23 كىشىنىڭ ھادىسىدە قازا قىلغانلىقىنى ئېلان قىلغان.
مەسئۇل دائىرىلەر ئاپتوبۇستا كەم دېگەندە 40 يولۇچىنىڭ بارلىقىنى، ئىزدەش ۋە قۇتقۇزۇش خىزمەتلىرىنىڭ داۋام قىلىۋاتقانلىقىنى بىلدۈردى.
