ijtimaiy taratqu supisi X, iran rehbiri ayetullah eli hamaniyning ibraniyche hésabini toxtatti
ijtimaiy taratqu supisi X, iran rehbiri ayetullah eli hamaniyning aldinqi küni achqan ibraniyche hésabini toxtitip qoydi.

türkiye awazi radiyosi xewiri: iran rehbiri hamaniyning X ijtimaiy taratqu supisidiki ibraniyche hésabigha kirmekchi bolghanlar, «hésab toxtitildi. X ning qaidilirini buzghan hésablar toxtitilidu» dégen agahlandurush bilen uchrashti.
parsche, türkche, inglizche, orduche, ispanche qatarliq köp tillarda hésabi bolghan hamaniyning bashqa tillardiki hésabliri ochuq.
hamaniyning namida aldinqi küni ibraniyche X hésabi échilghan we tünügün uning bir nutqidin élinghan «zéonist hökümitining irangha qarshi hésab xataliqi bar. bu tüzilishi kérek. ular téxiche iranning küchini, iqtidarini we iradisini toluq chüshinelmidi. buni ulargha chüshendürüshimiz kérek» dégen sözliri tarqitilghan we bu sözler israiliyening döletlik téléwiziyesi <KAN> qatarliq israiliye axbarat wasitiliri teripidinmu hembehirlengen idi.
ijtimaiy taratqu supisi X teripidin yaki hamaniyning ishxanisidin téxiche bu heqte héchqandaq bayanat élan qilinmidi.
amérika merkezlik ijtimaiy taratqu supisi X, iran rehbirining hésablirini burunmu bir qanche qétim waqitliq toxtatqan idi.
مۇناسىۋەتلىك خەۋەرلەر

issiq iqlimliq bezi döletlerde qar yaghdi
issiq iqlimi bilen tonulghan seudi erebistan, iyordaniye, liwan we iraqta qar yaghdi.