исраилийә әскәрлири ғәрбий қирғақта 11 йашлиқ кичик балини өлтүрди
исраилийә әскәрлири ишғалийәт астидики ғәрбий қирғақта йариландурған 11 йашлиқ пәләстинлик бала һайатидин айрилди.
түркийә авази радийоси хәвири: пәләстин рәсмий хәвәр агентлиқи <WAFA> ниң хәвиридә, исраилийә әскәрлириниң наблуста бир пәләстинликни тутқун қилғандин кейин чекиниш җәрйанида, абдуллаһ җамал һәваш исимлик бир кичик балини йариландурғанлиқи билдүрүлди.
пәләстин сәһийә министирлиқиниң ашкарилишичә, ғәрбий қирғақниң наблус шәһиридә исраилийә әскәрлири еғир йариландурған 11 йашлиқ балини давалап қутқузш үнүм бәрмигән.
ғәрбий қирғақ вә шәрқий қуддуста 2023 – йили 7-өктәбирдин буйан исраилийә әскәрлири билән пәләстинликләрниң өй - земинлирини тартивалған таҗавузчи исраилийәликләрниң һуҗумлирида 166 си кичик балини қошқанда җәмий өлтүрүлгәнләрниң сани 760 ға йәтти.
исраилийәниң ғәззә райониға һуҗум башлиған вақтидин буйан ишғал астидики ғәрбий қирғақ вә шәрқий қуддуста пәләстинликләргә қаритилған тутқун қилиш, бастуруш вә һуҗумлири күчәймәктә.
