misir xelqara jemiyetni rayonluq urushning aldini élish toghrisida agahlandurdi
misir tashqi ishlar ministiri bedr abdulati xelqara jemiyetni israiliye bilen iran otturisidiki barghanséri küchiyip kétiwatqan ziddiyetning rayongha kéngiyip kétishidin saqlinishqa chaqirdi.
türkiye awazi radiyosi xewiri: misir tashqi ishlar ministirliqining yazma bayanatigha qarighanda, ministir abdulati iran tashqi ishlar ministiri abbas éraqchi bilen téléfonda körüshken.
ikki ministir téléfon söhbitide, ottura sherq rayonining nöwettiki weziyiti, bolupmu liwan we ghezze rayonidiki özgirishler heqqide muzakire élip barghan.
téléfon söhbitide, liwan we ishghaliyet astidiki pelestin zéminlirida kündin künge küchiyiwatqan jiddiylichikni toxtitishning intayin muhimliqi tekitlengen.
ministir abdulati misirning jiddiychilik we toqunush dairisining kéngiyip kétishidin qattiq endishe qiliwatqanliqini bayan qilghan, hemde buning rayon we xelqaraning tinchliqi hem bixeterliki jehettin éghir aqiwetlerni élip kélidighanliqini qeyt qilghan.
misirning liwanning igilik hoquqigha dexli - teruz qilinishini pütünley ret qilidighanliqini eskertken abdulati, derhal urush toxtitish we birleshken döletler teshkilati xewpsizlik kéngishining 1701-nomurluq qararini yolgha qoyush kéreklikini qayta tekitligen.
iranning 10-ayning 1-künidiki israiliyege qilghan bashqurulidighan bomba hujumidin kéyin, tél awiw hökümiti «intayin küchlük» shekilde jawab qayturidighanliqliri toghruluq tehdit salghanidi.
iran herbiy dairiliri bolsa, bu tehditler aldida herqandaq hujumgha israiliyening barliq énérgiye muesseseliri we ul- eslihelirini hujum nishani qilish arqiliq jawab qayturidighanliqlirini bildürgenidi.
