ishiba shigéru yaponiyening yéngi bash ministiri boldi

türkiye awazi radiyosi xewiri: ishiba shigéru parlaméntning töwen qaniti awam palatasi (shugin) da ötküzülgen pewquladde yighinda bash ministir bolup saylandi.

ishiba shigéru libéral démokratlar partiyesi we shériki  komito himayisidiki 465 orunduqluq awam palatasi (shugin) da 291 qollash bélitige ériship yaponiyening 102 - bash ministiri boldi.

libéral démokratlar partiyesining aldinqi hepte ötküzülgen rehberlik saylimigha ikkisi ayal, jemiy toqquz namzat qatnashqan bolup,  ikkinchi basquchluq saylamda ishiba shigéru ayal reqibi takachi sanani meghlub qilghan we libéral démokratlar partiyesining yéngi reisi bolup saylanghan idi. libéral démokratlar partiyesi aldinqi esirning 70 - yilliridin buyanqi eng köp namzat chiqirish bilen hemmining diqqitini tartqan idi.

yéngi kabinétini élan qilishqa teyyarliq qiliwatqan ishiba shigéru impériye sariyida ötküzülidighan murasim bilen wezipige olturidu.

ishiba shigéruning 27 - öktebirde ötküzülmekchi bolghan muddettin ilgiriki saylamghiche wezipe ötüshi mölcherlenmekte.  

libéral démokratlar partiyesining sabiq reisi we bash ministér kishida fumio awghustta partiye ichidiki siyasi iane fondi setchilikining siyasetke bolghan ishenchni tewretkenlikini seweb körsitip, wezipisidin istipa béridighanliqini élan qilghan idi.

2021 - yili öktebirde wezipige olturghan bash ministir kishida fumio aldinqi hepte ötküzülgen libéral démokratlar partiyesining reislik saylimigha qatnashmasliqni qarar qilghan idi.

bash ministir kishida fumio we uning kabinéti bügün etigende istipa berdi.