ئىسىرائىلىيە ئامېرىكانىڭ يېڭى ھەربىي ياردىمىگە ئېرىشكەنلىكىنى ئېلان قىلدى

تۈركىيە ئاۋازى رادىيوسى خەۋىرى: ئىسىرائىلىيە دۆلەت مۇداپىئە مىنىستىرلىقى بايانات ئېلان قىلىپ، مۇداپىئە مىنىستىرلىقى باش مۇدىرى ئەيال زامىرنىڭ 26-سېنتەبىر (2024) ۋاشىنگتوندا تېل ئاۋىۋنىڭ ئامېرىكادىن 8.7 مىليارد دوللارلىق ھەربىي ياردەم ئېلىش كېلىشىمىنى ئىمزالىغانلىقىنى بىلدۈردى.

باياناتتا، 3 مىليارد 500 مىليون دوللارلىق ياردەمنىڭ مۇھىم ئۇرۇش ماتېرىياللىرىنى سېتىۋېلىشنى، قالغان 5 مىليارد 200 مىليون دوللارلىق مەبلەغنىڭ ھاۋا مۇداپىئە سىستېمىسىنى ئۆز ئىچىگە ئالىدىغانلىقى ئەسكەرتىلدى.

مىنىستىرلىقنىڭ باياناتىدا يەنە، كېلىشىم بويىچە ياردەملەرنىڭ پات يېقىندا يەتكۈزۈلىدىغانلىقى بىلدۈرۈلدى.