amérika xitaygha qarshi échilidighan diyalog yighinigha sahibxanliq qilidu

türkiye awazi radiyosi xewiri: töt tereplik bixeterlik diyalogi bashliqlar yighini eza döletler bolghan amérika, awstiraliye, hindistan we yaponiye rehberlirining ishtirak qilishi bilen wilmingtonda ötküzülidu. yighinda, yéngi istratégiyeler we hemkarliq jeryanliri muzakire qilinidu.

amérika pirézidénti jo baydin bu döletler otturisidiki qoyuq dostluq munasiwetlirining körsetküchi süpitide tunji qétim bixeterlik diyalogi rehberlirini öyide kütüwalidu. yighin dairiside, rayon bixeterliki, hindi-ténch okyan istratégiyesi we yershari diplomatiyesining özgirishchan heriketlendürgüch küchi muzakire qilinidu.

rehberlerning teminlesh zenjirining bixeterlikini kapaletlik qilish tirishchanliqliri bilen, ghezze we ukrainada dawamlishiwatqan toqunushlarningmu muzakire qilinishi mölcherlengen bashliqlar yighinida, xitaygha qarshi ittipaq qurulmisini kücheytish we téxnika , ul-eslihe we kilimat özgirish qatarliq sahelerde özara hemkarliqni ashurushning yolliri üstide özara pikir almashturulidu.

wilmingtondiki bashliqlar yighini, baydin bilen yaponiye bash weziri fumiyo kishidaning wezipisidin ayrilishi munasiwiti bilen, ularning eng axirqi uchrishishi bolup qalidu.