исраилийә қирғин қилған пәләстинликләрниң сани 41 миң 206 гә йәтти

түркийә авази радийоси хәвири: ғәззәдики сәһийә министирлиқиниң байанатида, исраилийәниң ғәззә райониға 345 күндин бери  һуҗум қиливатқанлиқи билдүрүлди. исраилийә қисимлириниң йеқинқи 24 саәт ичидә ғәззә райониниң һәр қайси җайлирида «үч чоң қирғинчилиқ» елип барғанлиқи вә бу һуҗумларда йәнә 24 пәләстинликниң һайатидин айрилғанлиқи һәмдә 57 пәләстинликниң йариланғанлиқи уқтурулди.

исраилийәниң 7-өктәбирдин буйан ғәззә райониға қилған һуҗумлирида қаза қилғанлар саниниң 41 миң 206 гә, йариланғанлар саниниң 95 миң 337 гә йәткәнлики тәкитләнди.

байанатта йәнә, харабиликләр астида вә йол йақисида җәсәтләрниң барлиқи, әмма исраилийә қисимлириниң тосқунлуқ қилиши сәвәбидин давалаш әтрәтлири билән хәлқ мудапиә хадимлириниң җәсәтләрни чиқаралмайватқанлиқи қайта тәкитләнди.