иран русийәгә башқурулидиған бомба бәрмигәнликини билдүрди

түркийә авази радийоси хәвири: иран парламенти иҗраийә комитети байанатчиси әли риза сәлими иранниң башқа дөләтләргә баллистик башқурулидиған бомба бәргәнликигә даир G7 дөләтлириниң байанлирини рәт қилди.

әли риза сәлими меһир хәвәр агентлиқиға бәргән байанатида: «парламент йиғинида, бир қисим йавропа дөләтлириниң иранға қарши байанлири музакирә қилинди вә иранниң һәр қандақ бир дөләткә баллистик башқурулидиған бомба бәрмигәнлики вә бәрмәйдиғанлиқи тәкитләнди» деди.

иран мәсули бу әйибләшләрниң исраилийәниң йавропа дөләтлиригә бесим ишлитиши нәтиҗисидә оттуриға қойулғанлиқини илгири сүрди.

германийә, америка, әнгилийә, италийә, франсийә, йапонийә вә канададин тәркиб тапқан G7 дөләтлириниң йазма байанатида, «иран украина урушида русийәгә баллистик башқурулидиған бомба бәрди» дәп әйибләнгән иди.