amérika rusiyening axbarat wastilirigha émbargo yürgüzdi
amérika qoshma ishtatliri rusiye taratqulirigha chet ellerde «muqimliqni buzush paaliyetliri» élip barghanliqini ilgiri sürüp émbargo yürgüzdi.
türkiye awazi radiyosi xewiri: rusiyening döletlik «‹RT› téléwiziye qanili», bu qanalgha munasiwetlik 3 organ we 2 shexske émbargo yürgüzüldi.
amérika qoshma ishtatliri tashqi ishlar ministiri antoni blinkén bu heqte élan qilghan bayanatida, bu organ we shexslerning tetür teshwiqatlarni tarqatqanliqi we mexpiy jasusluq paaliyetlirini élip barghanliqini ilgiri sürdi.
blinkén burunqi ismi «Russia Today» bolghan «‹RT› téléwiziye qanili» ning moskwaning ukrainadiki urushini qanunlashturush meqsitide paaliyetlerni élip bérish, rusiye eskerliri üchün her xil herbiy üskünilerni sétiwélish üchün torda iane toplash paaliyetlirini uyushturush bilen eyiblidi.
amérika qoshma ishtatliri edliye ministirliqi 9-ayning 4-küni «‹RT› téléwiziye qanili» nimu öz ichige alghan rusiyege qarashliq bir qisim axbarat wastiliri bilen ijtimaiy alaqe supilirini amérika qoshma ishtatlirida 5-noyabir küni ötküzülidighan pirézidéntliq saylimigha arilishishqa urunush bilen eyiblep, émbargo yürgüzgenidi.
