papa: israiliyening mektepni bombardiman qilishi tolimu qorqunchluq ish
katoliklarning meniwi dahiysi we watikan pirézidénti papa frensis israiliyening ishghaliyiti astidiki ghezzede bir mektepni bombardiman qilishining «tolimu qorqunchluq ish» ikenlikini éytti.
türkiye awazi radiyosi xewiri: hindonéziye , papua yéngi giwinéyesi, sherqiy timor we singaporni öz ichige alghan 12 künlük sherqiy jenubiy asiya ziyaritini tamamlighan papa frensis, ziyaritining axirqi békiti bolghan singapordin rimgha qaytishida, ayropilanda muxbirlarning soallirigha jawab berdi.
papa frensi israiliyening ghezzediki mekteplerni hujum nishani qilishi toghruluq toxtilip mundaq dédi:
«men bu urushning nahayiti qanliq yaki emeslikini teswirlep bérelmeymen, emma öltürülgen balilarning jesetlirini körüsh, ichide bir qanche partizan bar dep perez qilip, bir mektepning bombardiman qilinghanliqini anglash tolimu qorqunchluq ishtur.»
u, ghezzediki urush toxtitish söhbiti heqqide toxtilip mundaq dédi:
«bezide bu bir mudapie urushi déyilidu, emma men buning adettin tashqiri derijidiki bir urush ikenlikige ishinimen. méningche tinchliq ornitish üchün qedem tashlanghini yoq. buni éytqanliqim üchün eyibke buyrimighaysiler.»
katoliklarning meniwi dahiysi papa frensis, urushning hemishe meghlubiyet élip kélidighanliqini bayan qildi, hemde iyordaniye padishahi 2 - abdullahning tinchliq ornitish yolida körsitiwatqan tirishchanliqliridin minnetdar ikenlikini qeyt qildi.
