ghezzede israiliyening qetliamlirida ölgen pelestinliklerning sani 41 ming 182 ge yetti
israiliye armiyesining 2023-yili 7-öktebirdin bashlap ghezze rayonida dawamlashturuwatqan qetliamlirida qaza qilghan pelestinliklerning sani yéqinqi 48 saet ichide 64 adem köpiyip, 41 ming 182 ge yetti.
türkiye awazi radiyosi xewiri: ghezzediki pelestin sehiye ministirliqi teripidin élan qilinghan bayanatta, israiliyening uda 344 kündin buyan ghezze rayonida dawamlashturuwatqan qetliamliri heqqide melumat bérildi.
bayanatta, israiliye armiyesining yéqinqi 48 saet ichide ghezzening oxshimighan rayonlirida yürgüzgen qetliamliri dawamida yene 64 pelestinlikning hayatidin ayrilghanliqi, 155 pelestinlikning yarilanghanliqi bayan qilindi.
israiliye armiyesining yéqinqi 10 kün ichide ghezzede dawamlashturuwatqan hujumlirida 321 kishining hayatidin ayrilghanliqi, 882 kishining yarilanghanliqi qeyt qilindi.
shuning bilen, israiliyening 7-öktebirdin bashlap ghezze rayonida dawamlashturuwatqan qetliamlirida qaza qilghanlar sanining 41 ming 182 ge, yarilanghanlar sanining 95 ming 280 ge yetkenliki eskertildi.
bayanatta yene, xarabiliklerning astida we yol boyliridimu ölüklerning barliqi, emma israiliye eskerlirining tosalghu bolushi sewebidin dawalash etretliri bilen xelq mudapie xadimlirining jesetlerni alalmaywatqanliqi tekitlendi.
