israiliye ghezzege hujum qilishni dawamlashturmaqta

türkiye awazi radiyosi xewiri: pelestin xewer agéntliqi — wafaning xewirige qarighanda, israiliye zembirekchi qisimliri ghezzening jenubigha jaylashqan refah shehirining mewasi rayonidiki bir öyni bombardiman qilghan؛ hujumda besh pelestinlik hayatidin ayrilghan.

israiliye armiyesining ghezzening ottura qismidiki nuseyrat musapirlar lagéridiki bir öyge qilghan hujumida bir pelestinlik qaza qilghan, nurghun adem yarilanghan.

weqeni öz közi bilen körgüchilerning bildürüshiche, israiliye eskerliri elxelil shehirining jenubigha jaylashqan ezzahiriyye bazirigha bésip kirgen.

pelestin qizil hilal ay jemiyitining bu heqtiki yazma bayanatigha qarighanda, basturup kirish jeryanida yüz bergen toqunushta ikki kishi israiliye eskerlirining oqida, yene ikki kishi bomba parchiliri tégip yarilanghan.