ispaniye bash weziri sanchéz ministirlarni qobul qildi

türkiye awazi radiyosi xewiri: sanchéz islam hemkarliq teshkilati - ereb elliri ittipaqi alaqilishish guruppisi yighini üchün madridta ziyarette boluwatqan türkiye tashqi ishlar ministiri xaqan fidan , bezi yawropa we ereb ellirining tashqi ishlar ministirliri we yuqiri derijilik wekilliri  ispaniye bash weziri pédro sanchéz teripidin qobul qilindi.

uchrishishqa, tashqi ishlar ministiri xaqan fidan din sirt yene, misir we slowéniye tashqi ishlar ministirliri, seudi erebistan, iyordaniye,  norwégiye we ispaniye tashqi ishlar wezirliri, qatar dölet ishliri ministiri muhemmed bin abduleziz elxuleyfi, yawropa ittipaqi tashqi munasiwetler we xewpsizlik siyasetliri aliy wekili josép borrél, ereb elliri ittipaqi bash katipi ehmed ebul gheyt, islam hemkarliq teshkilati bash katipi hüseyin ibrahim taha, behreyn, nigériye we irélandiyedin yuqiri derijilik wekiller qatnashti.

bu ariliqta, ispaniye tashqi ishlar weziri josé manuél albarés ispaniye dölet radiyosi «RNE» ning ziyaritini qobul qilghanda bergen bayanatida, mundaq dédi:

«qisqa waqit ichide pelestinde urush toxtitishqa kapaletlik qilinidighan isharetlerni hazir körelmeywatimiz, emma pelestin bilen israiliyening kirizisni ikki döletlik tüzüm arqiliq hel qilish charisi arqiliq tinch hem bixeter birlikte yashishini qolgha keltürüsh yolida dawamliq tirishchanliq körsitimiz.»