rusiye engliyelik alte diplomatning xizmet ijazetnamisini emeldin qaldurdi

türkiye awazi radiyosi xewiri: rusiye fédératsiyesi bixeterlik idarisi bayanat élan qilip, rusiye istixbaratining engliyening xelqara herbiy we siyasiy weziyetni keskinleshtürüsh urunushlirini maslashturghanliqini delilleydighan bezi höjjetlerni qolgha chüshürgenlikini bildürdi.

bayanatta: «mezkur höjjetler engliye tashqi ishlar wazariti sherqiy yawropa we ottura asiya bashqarmisining rusiye we sabiq sowét ittipaqi döletlirige buzghunchiliq sélish urunushlirini musapisini maslashturghanliqini körsitip béridu» dégen ibarilerge orun bérildi.

bu orunning rusiyeni istratégiye jehettin meghlup qilish üchün ukrainada urush bashlanghandin kéyin istixbarat orginigha özgertilgenliki ilgiri sürülgen bayanatta, moskwagha ewetilgen bir qisim engliye diplomatlirining heriketlirining «döletning bixeterlikige tehdit salghanliqi» otturigha qoyulup: «bu dairide qolgha chüshürülgen höjjetlerge asasen, rusiye londonning düshmenlik tedbirlirige qarita aldini élish tedbirlirini yolgha qoyup, engliyening moskwadiki elchixanisining siyasiy bölümide ishleydighan alte xadimning xizmet ijazetnamisini emeldin qaldurdi. bularning charlash we aghdurmichiliq xizmetliri bilen shughullanghanliqi ispatlandi» déyildi.

rusiye fédératsiyesi bixeterlik idarisi yene xizmet ijazetnamisi emeldin qaldurulghan engliye diplomatlirining süritini élan qildi.

engliye rusiye jasusluq gumani bilen alte engliye diplomatining xizmet ijazetnamisini bikar qilghandin kéyin bayanat élan qilip, diplomatlarning jasusluq bilen shughullanghanliqi toghrisidiki eyibleshlerning «pütünley asassiz» ikenlikini bildürdi.

engliye tashqi ishlar wezirlikining bir bayanatchisi bu heqte yazma bayanat élan qilip: rusiye fédératsiyesi bixeterlik idarisining engliyelik xadimlargha qaratqan eyiblishi <pütünley asassiz> ikenlikini otturigha qoydi.