jenubiy koréye herbiy orunlardiki xitayda ishlengen kaméralarni élip tashlidi

türkiye awazi radiyosi xewiri: yonxap xewer agéntliqi ning xewirige qarighanda,  ismini ashkarilashni xalimighan bir herbiy emeldar, 7-ayning axirida herbiy we istixbarat xadimliri tekshürüsh élip bérip, bir jenubiy koréye shirkiti teminligen közitish kaméralirining xitayda ishlepchiqirilghanliqini éniqlap chiqqan.

mezkur emeldar bu heqte toxtilip: «bu kaméralarning xitay mulazimétirigha ulinip, xatirilengen körünüshlerni sirtqa yetküzüleydighan shekilde üchün layihelengenliki bayqaldi. emma héchqandaq sanliq melumat ashkarilanmidi» dégen.

bixeterlik mesilisi sewebidin xitayda ishlengen 1300 din artuq közitish kamérasining éliwétilgenliki toghrisidiki uchurni ortaqlashqan mezkur emeldar, bu kaméralarning dölet ichide yasalghan üsküniler bilen almashturulghanliqini eskertti.

u yene bixeterlik kaméralirining shimaliy koréye chégrasini nazaret qilish üchün emes, belki herbiy meshiq rayoni we baza rishatkilirigha ornitilghanliqigha isharet qilip, kaméra bilen teminligüchining üskünilerning esli dölitini yoshurghanliqidin gumanlinidighanliqini we armiyening shirket üstidin sotqa erz sunushni oylishiwatqanliqini qeyt qildi.